Os Ballotes II - Bosque
Capacidade: 6-10 persoas | Núm. apertura: TD-CO-000059
É unha tradicional casa de pedra cun gran porche de madeira que mira á ría de Arousa e á Serra do Barbanza. Está decorada con mobles antigos restaurados e goza de amplos espazos abertos e unha gran luminosidade.
A casa conta cun gran xardín pechado (2000 m²) rodeado de sebes de romeu e de hortensias, lavanda, malva..., con árbores froiteiras e ornamentais e zona de aparcadoiro, desde o que poderá gozar dos espectaculares solpores sobre a ría. Está situada nunha zona rural tranquila, no núcleo rural do Bosque, a 5 min. camiñando da montaña, do centro urbano de Rianxo, do paseo marítimo e da praia anexa e a 300 metros de Casa dos ballotes I.
Distribución
A casa dispón de 4 habitacións dobres con baño, 3 con camas de matrimonio e 1 con dúas camas; 4 baños; cociña completamente equipada; amplo salón con cheminea e gran comedor con saída ao porche desde o que se divisan unhas impresionantes vistas á ría. Conta cun gran salón de xogos (200 m²).
Servizos
- 2 camas auxiliares
- Berce e trona
- Wi-Fi
- Aparcadoiro
- Toallas, sabas, nórdicos, mantas, roupa de cociña
- Vitrocerámica, forno, microondas, neveira, lavalouza, lavadora, torradora, cafeteira, batedora, espremedor..
- Ferro de pasar, menaxe, secadores, produtos de baño (xel, xabón, champú..)
- Cheminea, tv, dvd, música, lecturas, xogos de mesa, xogos de nenos
- Salón de xogos (billar, futbolín, ping pong, dardos, zona infantil e de descanso, bicicleta elíptica..)
- Barbacoa cuberta, calefacción
- Mobiliario de xardín (hamacas, cadeiras) e de porche (sofás, mesas, cadeiras..)
- Admítense mascotas (consultar co propietario)
- Información turística da zona en varios idiomas
|
|
|
|
|
|
