Anexa á vivenda está a horta; un terreo pechado de 1.500 m2 no que se conserva o hórreo, que gardaba o millo na parte superior e os apeiros do mar na parte inferior. O lavadoiro, lembranza da roupa á clareo. As árbores froiteiras que deleitan o padal nas tardes calorosas. A flor das camelias, dos magnolios, das hortensias, o olor a lavanda , a romeu, a herba luísa, a sinfonía de millóns de grilos nos anoiteceres de verán. A viña de tintorro lograda cos primorosos coidados da familia,.....e no medio, sobre as grandes laxes de pedra testemuñas impasibles da historia: o petroglifo ancestral, divertimento doutros séculos...

Todo cunha perspectiva privilexiada desde a que se contempla o mexer da brisa mariña sobre o mar calmo ou as ondas de mar embravecido de temporal, e ó fondo a serra do Barbanza, tralo que se deita o sol en solpores eternos....