Localización

As casas atópanse en Rianxo, que é unha pequena vila de mariñeiros situada na comarca do Barbanza á beira da Ría de Arousa, nas Rías Baixas. É o último concello da provincia da Coruña pola costa, xa no linde coa provincia de Pontevedra. No centro atopará restaurantes, mercado, supermercados, talleres, centro de saúde, farmacias, bancos, zona de compras,.. e atópase ben comunicada por autovía e autoestrada co resto de Galicia.

Indicacións para chegar:

Dende Santiago:

Dirixímonos a Rianxo pola autoestrada AP-9, saímos en Padrón e tomamos a autovía AG-11 dirección a Ribeira.

Dende Vigo:

Imos pola AP-9 ata Catoira e saímos dirección a Rianxo ata chegar a Isorna, ao outro lado do río Ulla. Alí tomamos a autovía AG-11 dirección a Ribeira.

Saímos na saída de Rianxo e dirixímonos cara o centro urbano; xusto antes de chegar ao centro temos o mar pegado á estrada á man dereita e á esquerda unha rotonda cunha pedra grande.
Nesa rotonda facemos un cambio de sentido e, máis ou menos a 25 metros, tomamos a 1ª rúa á dereita (estreita e encaixada entre muros altos). Subímola e ao chegar ao alto xiramos á dereita e xa estamos bordeando o xardín de Ballotes II. Se volvemos a xirar á dereita chegaremos á entrada principal coa zona de aparcadoiro.

Para chegar á Casa dos Ballotes I continuamos pola mesma rúa ata o núcleo rural (300 m. aprox.). Nese punto a rúa estréitase entre dúas casas de pedra; a casa da esquerda con flores nas ventás é Ballotes I; bordeámola e chegamos á entrada principal e á zona de aparcadoiro.