Ballotes II

Galería

Capacidade:

• 6 – 10 persoas.

Descrición:

É unha tradicional casa de pedra cun gran porche de madeira que mira á ría de Arousa e á Serra do Barbanza. Está decorada con mobles antigos restaurados e goza de amplos espazos abertos e unha gran luminosidade.
A casa conta cun gran xardín pechado (2000 m²) rodeado de sebes e de hortensias, lavanda, malva…, con árbores froiteiras e ornamentais e zona de aparcadoiro, desde o que poderá gozar dos espectaculares solpores sobre a ría.
Está situada nunha zona rural tranquila, no núcleo rural do Bosque, a 5 min. camiñando da montaña, do centro urbano de Rianxo, do paseo marítimo e da praia anexa e a 300 metros de Casa dos ballotes I.

Distribución:

A casa dispón de 5 habitacións dobres con baño, 4 con camas de matrimonio e 1 con dúas camas. Unha delas e o baño están semiadaptados para persoas con problemas de mobilidade. Ten 5 baños, cociña completamente equipada, amplo salón con cheminea e gran comedor con saída ao porche desde o que se divisan unhas impresionantes vistas á ría. Conta cun gran salón de xogos (200 m²).